వరంగల్ నిరుద్యోగులకు గుడ్ న్యూస్ 8 వేల ఉద్యోగాల జాబ్ మేళాకు రెడీగా ఉండండి
తెలంగాణ Telangana News భారత్ ప్రతినిధి : వరంగల్ జిల్లా ఈస్ట్లో మంత్రి కొండా సురేఖ చొరవతో ఈ నెల 11న మెగా జాబ్ మేళాను నిర్వహించనున్నారు. సుమారు 100 కంపెనీలు 8 వేలకు పైగా ఉద్యోగాల కల్పనే లక్ష్యంగా జాబ్ మేళా నిర్వహించేందుకు ఏర్పాట్లు చేస్తున్నారు. జాబ్ మేళాకు సంబంధించిన వాల్ పోస్టర్ ను సోమవారం మంత్రి కొండా సురేఖ తన నివాసంలో ఆవిష్కరించారు. అనంతరం జాబ్ మేళా నిర్వాహకులు, ఉన్నతాధికారులతో సమీక్షించారు. ఈ సందర్భంగా మంత్రి మాట్లాడారు.
నిరుద్యోగ యువతకు ఉపాధి కల్పనే లక్ష్యంగా జాబ్ మేళాను నిర్వహిస్తున్నట్టు తెలిపారు. వేసవిని దృష్టిలో ఉంచుకొని జాబ్ మేళాకు వచ్చే యువతీ, యువకులకు మౌలిక సదుపాయాలు కల్పించాలని ఆదేశించారు. ఇప్పటికే జాబ్ మేళాకు 60 కంపెనీలు రిజిస్ట్రేషన్ చేసుకోగా మరో 40 నుంచి 50 కంపెనీలు రిజిస్ట్రేషన్ చేసుకునే అవకాశం ఉందని పేర్కొన్నారు. 8 వేలకుపైగా ఉద్యోగాల కల్పనే లక్ష్యంగా జాబ్ మేళా నిర్వహిస్తున్నామని వివరించారు.
