సాంకేతిక వార్తలు భారత్ ప్రతినిధి : ప్రముఖ అమెరికన్ స్మార్ట్ ఫోన్ కంపెనీ ఆపిల్ ప్రతిష్టాత్మక ఐఫోన్ 18 ప్రో మ్యాక్స్ను ఈ ఏడాది సెప్టెంబర్లో విడుదల చేయడానికి సిద్ధమవుతోంది. దీని ధర గురించి ఇంకా అధికారిక సమాచారం లేనప్పటికీ, ఇండియాలో దీని ప్రారంభ ధర సుమారు రూ. 1,49,900 నుండి ఉండొచ్చని అంచనా. ఈసారి కొత్తగా వస్తున్న 'డార్క్ చెర్రీ' కలర్ ఈ ఫోన్కు ప్రత్యేక ఆకర్షణగా నిలవనుంది. ముదురు ఎరుపు వైన్ రంగులో ఉండే ఈ వేరియంట్తో పాటు లైట్ బ్లూ, సిల్వర్, డార్క్ గ్రే రంగులలో కూడా ఈ ఫోన్ రానుంది. ఇందులో లైట్ బ్లూ రంగు ఐఫోన్ 14 ప్రో మోడళ్ లాగా చూడటానికి చాలా మోడ్రన్గా కనిపిస్తుంది.
డిజైన్ పరంగా ఆపిల్ కొన్ని కీలక మార్పులు చేస్తోంది. ముఖ్యంగా కెమెరా భాగం ఫోన్ బాడీతో కలిసిపోయేలా నునుపైన మెటల్ ఫినిషింగ్తో మరింత అందంగా ఉండబోతోంది. మూడు కెమెరాలు ఉన్నప్పటికీ, ఫోన్ పట్టుకోవడానికి సౌకర్యంగా ఉండేలా అంచులు ఇంకా వెనుక భాగాన్ని అడ్జస్ట్ చేస్తున్నారు. ఐఫోన్ క్లాసిక్ స్టయిల్ దెబ్బతీయకుండానే డైనమిక్ ఐలాండ్ & స్క్రీన్ క్వాలిటీని మరింత మెరుగుపరుస్తున్నారు.
సాంకేతిక సామర్థ్యం విషయానికి వస్తే, ఐఫోన్ 18 ప్రో మ్యాక్స్లో ఆపిల్ అత్యంత వేగవంతమైన సరికొత్త చిప్ను అమర్చనుంది. దీనివల్ల ఫోన్ పర్ఫార్మెన్స్ అద్భుతంగా ఉంటుంది. కెమెరాలో అత్యాధునిక సెన్సార్లు, మెరుగైన ఇమేజ్ ప్రాసెసింగ్ ఫీచర్లు ఉండనున్నాయి. అలాగే ఎక్కువ సేపు ఫోన్ వాడేలా బ్యాటరీ సామర్థ్యాన్ని కూడా పెంచుతున్నారు. కొత్త రంగులు, స్పీడ్ పర్ఫార్మెన్స్, మెరుగైన కెమెరా కావాలనుకునే వారు ఈ మోడల్ కోసం వేచి చూడటం మంచిది, ఎందుకంటే ధరలో పెద్ద మార్పు లేకుండానే దీర్ఘకాలం పాటు అత్యుత్తమ పనితీరును అందిస్తుంది.
